Ամերիկացի թենիսիստուհի Սերենա Ուիլյամսը հայտնել է, որ մտադիր է կորտ վերադառնալ «Ուիմբլդոնի» մրցաշարում։
40-ամյա մարզուհին մրցահարթակ դուրս չի եկել 2021 թվականի հունիսից։ Այդ ժամանակ «Ուիմբլդոնի» առաջին շրջանում նա պարտվել է բելառուս Ալեքսանդրա Սասնովիչին։ Ամերիկացի թենիսիստուհին չի կարողացել ավարտել հանդիպումը։
Սերենան բեյսբոլիստ Աարոն Ռոջերսի հետ սոցցանցի ուղիղ եթերում խոսել է առաջիկա ծրագրերի մասին:
«Մենք շատ ենք խոսում իմ վերադարձի մասին: Ինձ կանչում են՝ պատրաստվելու «Ուիմբլդոնին»։ Անհամբերությամբ եմ սպասում այս մրցաշարին:
«Ուիմբլդոնը» տեղի է ունենում ԱՄՆ բաց առաջնությունից առաջ. նախ՝ պետք է այնտեղ խաղալ: Բայց ես հուզված եմ, սպասում եմ»,- ասել է Սերենան:
Ավելի վաղ հայտնի էր դարձել, որ Սերենայի մարզիչ Պատրիկ Մուրաթօղլուն այսուհետ աշխատելու է ռումինուհի Սիմոնա Հալեպի հետ։
