Սերխիո Ռամոսը Twitter-ի իր էջում գրառում է կատարել՝ արձագանքելով Իսպանիայի հավաքականի՝ ԵՎՐՈ-2020-ից դուրս մնալուն։ «Ֆուրիա ռոխան» կիսաեզրափակիչում պարտվեց Իտալիայի ընտրանուն։
«Տխուր է ու անարդար։ Սա չպետք է լիներ, բայց դուք մի ամբողջ երկրի հուզմունքի ու ոգևորության մեջ եք պահել։ Հպարտ եմ մեր հավաքականով»,-գրել է Ռամոսը։
Հիշեցնենք, որ Ռամոսը վնասվածքի պատճառով չէր հրավիրվել ազգային հավաքական ԵՎՐՈ-2020-ում։ 2004 թվականի Եվրոպայի առաջնությունից սկսած իսպանացի պաշտպանը ոչ մի խոշոր մրցաշար բաց չէր թողել։
Իսպանիայի հավաքականի պատմության մեջ սա առաջին դեպքն էր, երբ հավաքական «Ռեալի» ոչ մի խաղացող չէր հրավիրվել։