Մյունխենի «Բավարիայի» աջեզրային հարձակվող Սերժ Գնաբրին վարակվել է կորոնավիրուսով՝ հաղորդում է գերմանական ակումբի պաշտոնական կայքը:
«Գնաբրիի առողջական վիճակը լավ է, նա գտնվում է ինքնամեկուսացման մեջ»,- նշված է թիմի պաշտոնական հաղորդագրության մեջ:
Այսպիսով՝ Գերմանիայի հավաքականի 25-ամյա ֆուտբոլիստը չի մասնակցի ՊՍԺ-ի դեմ Չեմպիոնների լիգայի քառորդ եզրափակիչի շրջանակում կայանալիք առաջիկա խաղին:
Գնաբրին Բունդեսլիգայի ընթացիկ մրցաշրջանում մասնակցել է 23 խաղի՝ դառնալով 9 գոլի և 3 գոլային փոխանցման հեղինակ: