Իսպանական «Լևանտեից» հեռացած Էդգար Սևիկյանը կարող է կարիերան շարունակել Ռուսաստանի Պրեմիեր լիգայում: «Матч ТВ»-ի հաղորդմամբ՝ «Նիժնի Նովգորոդի» ղեկավարությունը բանակցություններ է վարում Մոսկվայի «Լոկոմոտիվի» սանի հետ:
Սևիկյանի՝ «Նիժնի Նովգորոդ» տեղափոխությանը կարող է նպաստել այն հանգամանքը, որ թիմի գլխավոր մարզիչ Միխայիլ Գալակտինովը և հայ վինգերը միասին աշխատել են Ռուսաստանի երիտասարդական հավաքականում:
Ավելի վաղ Սևիկյանը հայտնել էր, որ մտադիր է մարզական կարիերան շարունակել Եվրոպայում: 20-ամյա ֆուտբոլիստը հուլիսի 1-ին կդառնա ազատ գործակալ: