«Սևիլիայի» գլխավոր մարզիչ Խուլեն Լոպետեգին հաստատել է, որ անձամբ է հետաքրքրված «Ռեալի» կիսապաշտպան Իսկոյի ծառայություններով։
«Կցանկանայի միայն «Սևիլիայի» ֆուտբոլիստներից խոսել, բայց Իսկոն մեծագույն ֆուտբոլիստ է և ես չեմ թաքցնում, որ միշտ հիացել եմ նրանով»,- ասել է իսպանացի մասնագետը։
Ավելի վաղ Marca-ն հաղորդել էր, որ «Ռեալն» այս ամառ մտադիր է վաճառել Գարեթ Բեյլի, Մարսելոյի ու Իսկոյի տրանսֆերային իրավունքները։
Իսկոն «Ռեալի» կազմում հանդես է գալիս 2013 թվականից։ Transfermarkt-ը 9 մլն եվրո է գնահատում ֆուտբոլիստի շուկայական արժեքը։