Տիգրան Պետրոսյանի անվան շախմատի տանն ավարտին է մոտենում Կարեն Ասրյանի 13-րդ հուշամրցաշարը: Այսօր կայացան նախավերջին՝ 8-րդ տուրի մրցախաղերը:
Ուշադրության կենտրոնում երկու առաջատարների՝ Շանթ Սարգսյանի և Լևոն Բաբուջյանի մրցավեճն էր: Հաջողությունն ուղեկցեց Շանթին, որը 7 միավորով միանձնյա գլխավորեց մրցաշարային աղյուսակը և լուրջ հայտ ներկայացրեց հուշամրցաշարի հաղթողի կոչմանն արժանանալու համար:
Սարգսյանին կես միավոր են զիջում Սամվել Տեր-Սահակյանն ու Արթուր Դավթյանը, որոնք պարտության մատնեցին համապատասխանաբար Հովիկ Հայրապետյանին և Զավեն Անդրիասյանին:
6-ական միավոր են վաստակել Մանուել Պետրոսյանը, Լևոն Բաբուջյանը, Ամին Տաբատաբաեին և Արսեն Դավթյանը:
Վաղը կայանալիք ավարտական՝ 9-րդ տուրում գլխավոր մրցանակի համար պայքարում վճռորոշ կլինեն Արթուր Դավթյան-Շանթ Սարգսյան, Սամվել Տեր-Սահակյան-Ամին Տաբատաբաեի մրցախաղերը: