Շոտլանդիայի հավաքականի և Լոնդոնի «Չելսիի» կիսապաշտպան Բիլի Գիլմորը վարակվել է կորոնավիրուսով, հաղորդում է հավաքականի մամուլի ծառայությունը։
Գիլմորը չի մասնակցի Խորվաթիայի հավաքականի հետ վաղը կայանալիք ԵՎՐՈ-2020-ի հանդիպմանը։ Նա 10 օրով կինքնամեկուսանա։ Եթե այդ ժամկետից հետո նրա թեստը բացասական լինի ու Շոտլանդիան դեռ մրցաշարում լինի, նա կարող է նորից դաշտ դուրս գալ։
Անգլիա – Շոտլանդիա խաղում Գիլմորը ճանաչվել էր լավագույն խաղացող։
Շոտլանդիան երկու խաղերից հետո մեկ միավոր ունի։ Նրանք պարտվել են Չեխիային ու ոչ-ոքի խաղացել Անգլիայի հետ։
Բարդ ճանապարհով հասան ԵՎՐՈ, կխաղան մարզչի պարզ ֆուտբոլով․ Ինչ սպասել Շոտլանդիայի հավաքականից