«Ատլետիկոյի» արգենտինացի գլխավոր մարզիչ Դիեգո Սիմեոնեն հայտարարել է, որ չի պատրաստվում մրցաշրջանի ավարտից հետո հեռանալ մադրիդյան թիմից:
«Ասելու բան չկա։ Մի՛ անհանգստացեք. մենք, ինչպես միշտ, այստեղ ենք լինելու»,- Marca-ի հաղորդմամբ՝ ասել է մարզիչը՝ պատասխանելով մադրիդյան ակումբում իր ապագայի վերաբերյալ հարցին։
Լրագրող Ֆաբրիցիո Ռոմանոյի տեղեկություններով՝ «Ատլետիկոյի» ղեկավարությունը ոչ մի մարզչի հետ կապ չի հաստատել, ակումբը վստահում է Սիմեոնեին: Հիշեցնենք՝ Դիեգոն մադրիդյան թիմը գլխավորել է 2011 թվականին, որի հետ նվաճել է 8 տիտղոս:
