Մադրիդի «Ատլետիկոյի» գլխավոր մարզիչ Դիեգո Սիմեոնեն մեկնաբանել է «Ռեալի» համար չեմպիոնական միջանցք չբացելու ակումբի որոշումը։
«Նման պահերը միշտ շատ հարցերի ու վեճերի տեղիք են տալիս, բայց ակումբն արդեն հայտարարություն է տարածել՝ շնորհավորելով «Ռեալի» մարզիչներին, ֆուտբոլիստներին ու աշխատակիցներին։
Հարգում ենք «Ռեալին», բայց «Ատլետիկոյի» երկրպագուներին՝ ավելի շատ»,- Սիմեոնեի խոսքն է հաղորդում Mundo Deportivo-ն։
Ավելի վաղ «Ատլետիկոն» հայտարարել էր, որ թիմի ֆուտբոլիստները մտադիր չեն «Ռեալի» համար չեմպիոնական միջանցք բացել։
