Ռուսաստանի Առաջին դիվիզիոնի՝ ՖԱԼ-ի 33-րդ տուրում «Վելեսը» Մոսկվայում ընդունել է «Վոլգարին» և պարտվել 0:2 հաշվով:
Աստրախանի թիմի կազմում գոլի և գոլային փոխանցման հեղինակ է դարձել հայ կիսապաշտպան Արտյոմ Սիմոնյանը:
23-րդ րոպեին Սիմոնյանն օգնել է հաջողության հասնել Ստեֆանովիչին, իսկ 37-րդ րոպեին 11-մետրանոց նշակետից վրիպելուց հետո 2-րդ հարվածով դարձել է գոլի հեղինակ:
- Սիմոնյանի գոլային փոխանցման տեսանյութը
- Սիմոնյանի գոլի տեսանյութը
«Վելեսի» կազմում ամբողջ հանդիպմանը մասնակցել են Հայաստանի հավաքականի նորեկ Արթուր Գալոյանը և Գևորգ Սարգսյանը:
Սիմոնյանը նույնպես մասնակցել է ամբողջ հանդիպմանը:
«Վելեսը» 46 միավորով 11-րդն է, իսկ «Վոլգարը» 37 միավորով 16-րդն է: