Տոկիոյում ընթացող ամառային Օլիմպիական խաղերում ծանրամարտի 109 կգ քաշային կարգում փոխչեմպիոն դարձավ Սիմոն Մարտիրոսյանը:
Պոկում վարժությունում Մարտիրոսյանը բարձրացրեց 195 կգ: Դա Օլիմպիական խաղերի նոր ռեկորդ է:
Հրում վարժությունում Սիմոնի ցուցանիշը 228 կգ էր: Ընդհանուր 423 կգ ցուցանիշով Մարտիրոսյանը գրավեց երկրորդ տեղը:
Հայ ծանրորդը վերջին երկու մոտեցումներում չկարողացավ հրել 238 կգ ծանրաձողը:
Ոսկե մեդալը նվաճեց ուզբեկ Ակբար Ջուրաևը:
Հիշեցնենք, որ Մարտիրոսյանն արծաթե մեդալ էր նվաճել նաև Ռիո-2016-ում:
