«Բոլոնիայի» գլխավոր մարզիչ Սինիշա Միհայլովիչը դուրս է գրվել հիվանդանոցից՝ հաղորդում է ակումբի պաշտոնական կայքը:
53-ամյա սերբ մասնագետը հոսպիտալացվել էր մարտին՝ հիվանդության կրկնվելը կանխարգելելու թերապիայի համար: Միհայլովիչը վերջին տարիներին պայքարում է լեյկեմիայի դեմ:
«Միհայլովիչի առողջական վիճակը լավ է»,- հայտարարել է ակումբը:
Չնայած հոսպիտալացված լինելուն՝ վերջին շաբաթներին Միհայլովիչը «Բոլոնիան» գլխավորել է հենց հիվանդանոցից, որտեղ նա ստեղծել է աշխատանքային պայմաններ՝ սերտ համագործակցելով գործընկերների հետ: