2017 թ. դեկտեմբերի 17-ին էկրաններ կբարձրանա ռեժիսոր Ֆերնանդո Լեոն Դե Արանոայի ֆիլմը, որ կոչվում է «Սիրելով Պաբլոյին»՝ Loving Pablo: Ֆիլմի գլխավոր դերերում են Պենելոպե Քրուզը և Խավիեր Բարդեմը: Օգոստոսի 30-ին թողարկվել է ֆիլմի թրեյլերը.

Ֆիլմը պատմում է կոլումբացի նարկոբարոն և քաղաքական գործիչ Պաբլո Էսկոբարի մասին, ով 20-րդ դարի երկրորդ կեսին աշխարհի ամենահարուստ մարդկանցից մեկն էր և իր փողերը վաստակել էր թմրադեղերի առևտրի շնորհիվ: Թմրադեղեր, սպանություններ, հանցանքներ, ամենակարողություն և լրագրողուհի, որ սիրահարվում է այդ հանցավոր և ազդեցիկ տղամարդուն: Հենց այդ կնոջ հուշերն էլ դարձել են ֆիլմի սցենարի հիմքը: