«Նյու Յորք Այլենդերսի» սլովակ պաշտպան Զդենո Խարան դարձել է 45-ից բարձր տարիքում գոլ խփած 4-րդ խաղացողը Հոկեյի ազգային լիգայի (NHL) պատմությունում՝ տեղեկացնում է «ESPN+»ը։
45-ամյա մարզիկը դիպուկ նետում է կատարել կանոնավոր առաջնության «Պիտսբուրգ Պինգվինզի» հետ խաղում (3:6)։ Դա Խարայի առաջին գոլն է ընթացիկ մրցաշրջանում։ Միաժամանակ նա առաջին անգամ է աչքի ընկել վերջին 108 խաղում` դրանով իսկ ընդհատելով «չոր» հանդիպումների շարքը։
Chara's first goal as an Islander since... Jan 12 2001 🤯 pic.twitter.com/4N54IWw2nf
— Isles on MSG+ (@IslesMSGN) April 15, 2022
«Այլենդերսի» կազմում նա վերջին անգամ գոլի հեղինակ էր դարձել 2001 թվականի հունվարին։ Դրանից հետո նա հեռացել էր ակումբից, որին դարձյալ միացել է անցյալ տարի։
Լիգայի պատմությունում 45 և ավելի բարձր տարիքում գոլ են խփել նաև Գորդի Հոուն, Յարոմիր Յագրը և Քրիս Չելիոսը։
