«Հոֆենհայմի» սպորտային տնօրեն Ալեքսանդր Ռոզենը հերքել է ակումբի՝ Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանի ծառայություններով հետաքրքրված լինելու մասին տեղեկությունը:
«Չեմ ցանկանում այլ մեկնաբանություններ տալ Սպերցյանի և մյուս հնարավոր տրանսֆերների վերաբերյալ: Միայն կասեմ, որ հետաքրքրված չենք այդ խաղացողի ծառայություններով»,- Ռոզենի խոսքը մեջբերում է «Чемпионат»-ը:
Ավելի վաղ հաղորդվում էր, որ հայ ֆուտբոլիստին հետևում են ֆրանսիական ակումբները:
2021/22 մրցաշրջանում «Կրասնոդարի» կազմում 22-ամյա ֆուտբոլիստը մասնակցել է 26 հանդիպման, խփել 8 գոլ ու կատարել 4 արդյունավետ փոխանցում: