«Դինամոն» տարբերակներ դիտարկում է տրանսֆերային շուկայում այն դեպքերի համար, եթե կիսապաշտպաններ Սեբաստիան Շիմանսկին և Նիկոլա Մորոն հեռանան մոսկովյան թիմից մրցաշրջանի ավարտից հետո՝ հայտնում է «РБ Спорт»-ը:
Աղբյուրի հաղորդմամբ՝ եթե այդ ֆուտբոլիստները հեռանան ակումբից, ապա դինամոյականները կարող են ձեռք բերել «Ռոստովի» ֆուտբոլիստ Դանիլ Գլեբովին և «Կրասնոդարի» հայ կիսապաշտպան Էդուարդ Սպերցյանին:
Հայաստանի հավաքականի կիսապաշտպանն ընթացիկ մրցաշրջանում «Կրասնոդարի» կազմում բոլոր մրցաշարերում անցկացրել է 24 հանդիպում, խփել 6 գոլ և կատարել 4 ասիստ:
Ավելի վաղ հաղորդվում էր, որ 21-ամյա ֆուտբոլիստի ծառայություններով հետաքրքրված են եվրոպական մի շարք ակումբներ:
