«Գոլդեն Սթեյթ Ուորիորզի» պաշտպան Ստեֆ Քարին դարձել է NBA-ի պատմության առաջին խաղացողը, որը փլեյ-օֆֆում 500-ից ավելի դիպուկ 3-միավորանոց նետում է կատարել՝ հայտնում է մրցաշարի մամուլի ծառայությունը:
«Մեմֆիս Գրիզլիսի» դեմ 4-րդ խաղում Քարին 4 անգամ 3-միավորանոց նետում է կատարել մրցակցի զամբյուղը՝ մրցաշարի փլեյ-օֆֆում իր ակտիվում գրանցելով 503 հաջողված փորձ: Քարին այսօր կայացած խաղում վաստակած 32 միավորով ամենաարդյունավետն է եղել խաղահրապարակում:
Հիշեցնենք՝ «Գոլդեն Սթեյթը» սերիայի 4-րդ խաղում հաղթել է 101:98 հաշվով՝ շարքում առավելություն ստանալով 3:1 հաշվով: