Սան Ֆրանցիսկոյի(ԱՄՆ) «Չեյզ Սենթր» խաղահրապարակում կայացել է NBA-ի կանոնավոր առաջնության հերթական հանդիպումը, որում «Գոլդեն Սթեյթ Ուորիորզն» ընդունել էր «Դենվեր Նագեթսին»: Հյուրերը հաղթանակ են տոնել 89-86 հաշվով՝ ընդհատելով «Ուորիորզի» երեքխաղյա հաղթական շարքը:
«Գոլդեն Սթեյթի» խաղացող Ստեֆեն Քարին մասնակցել է հանդիպմանը՝ վաստակելով 23 միավոր: Նա միաժամանակ դարձել է Բասկետբոլի ազգային ասոցիացիայի պատմության առաջին խաղացողը, որ իրացրել է 3000 երեքմիավորանոց նետում՝ հաղորդում է NBA-ի թվիթերյան էջը:
Congratulations to Stephen Curry (@StephenCurry30) of the @warriors for becoming the first player in NBA history to reach 3,000 career 3-pointers! pic.twitter.com/xl0xprt8U2
— NBA (@NBA) December 29, 2021
Դրանից բացի, Քարին կրկնել է իր իսկ ռեկորդը: «Դենվեր Նագեթսի» դեմ հանդիպումը Քարիի համար 157-րդն էր անընդմեջ, որում նա իրացրել է առնվազն 1 երեքմիավորանոց նետում:
Դեկտեմբերի 31-ին «Գոլդեն Սթեյթը» կրկին կհանդիպի «Դենվեր Նագեթսի» հետ, այս անգամ՝ Դենվերի «Բոլ Արենայում»:
Լեբրոն Ջեյմսը NBA-ում 36 000 միավոր վաստակած 3-րդ բասկետբոլիստն է
