Նիդեռլանդների հավաքականի դարպասապահ Մարտեն Ստեկելենբուրգն ուկրաինացիների դեմ խաղին մասնակցում է մեկնարկային րոպեներից:
Դարպասապահը 38 տարեկան 264 օրական հասակում դարձավ Նիդեռլանդների հավաքականի պատմության ամենատարեց ֆուտբոլիստը, որը խաղադաշտ է դուրս գալիս խոշոր մրցաշարերի(ԱԱ, ԵԱ) եզրափակիչ հատվածում:
Մինչև այս ռեկորդը պատկանում էր «Մանչեսթեր Յունայթեդի» լեգենդար դարպասապահ Էդվին վան դեր Սարին, որը խաղադաշտ էր դուրս եկել Նիդեռլանդների հավաքականի կազմում 37 տարեկան 236 օրական հասակում:
Հատկանշական է, որ Ստեկելենբուրգն այս նվաճմանը հասավ բավական դժվար: Նա գրեթե 3 տարի առաջնության հանդիպում չէր անցկացրել, իսկ Նիդեռլանդների հավաքականում ելույթ չէր ունենում 2016 թվականից: «Այաքսի» դարպասապահ Անդրե Օնանայի որակազրկումից հետո 38-ամյա Ստեկելենբուրգն իր ուժերն ապացուցելու հնարավորություն ստացավ ամստերդամյան ակումբում՝ Նիդեռլանդների առաջնության 2020-21 մրցաշրջանում անցկացնելով 12 խաղ: Եվ հիմա դարպասապահը վերադարձել է ազգային հավաքական ու մասնակցում է ԵՎՐՈ 2020-ին: