Ջերմուկում ավարտին է մոտենում Ստեփան Ավագյանի հուշամրցաշարը: Այսօր կայացած նախավերջին՝ 8-րդ տուրն անհաջող դասավորվեց մրցաշարի առաջատարներից մեկի՝ Հայկ Մարտիրոսյանի համար, որը Հանս Նիմանի հետ մրցախաղում առաջին պարտությունը կրեց: Այն կարող է վճռորոշ լինել Հայկի համար գլխավոր մրցանակի համար մղվող պայքարում: Նա 4,5 միավորով նահանջեց 3-րդ հորիզոնական:
Իսկ աղյուսակը 5-ական միավորով գլխավորեցին Շանթ Սարգսյանը և Ամին Տաբատաբաեին: Շանթը հաղթեց Մանուել Պետրոսյանին, Տաբատաբաեին հաշտություն կնքեց Սարին Նիհալի հետ:
Առաջին հաղթանակը տարավ Մամիկոն Ղարիբյանը, որի մրցակիցը Սամվել Տեր-Սահակյանն էր: Ղարիբյանը վաստակեց 3 միավոր: Ալեքսանդր Դոնչենկոն ոչ-ոքի խաղաց Դայ Վան Նգուենի հետ ու վաստակեց 4,5 միավոր:
Վաղը կայանալիք ավարտական տուրում որոշիչ կլինեն Մարտիրոսյան-Սարգսյան, Տաբատաբաեի-Դոնչենկո պարտիաները:
