«Սիթիի» վինգեր Ռահիմ Ստեռլինգը կարող է փոխել ակումբային գրանցումը: Mirror-ի հաղորդմամբ՝ անգլիացին դժգոհ է իր կարգավիճակից և ձգտում է մշտական խաղային պրակտիկա ունենալ Մունդիալից առաջ:
Նշվում է, որ 27-ամյա ֆուտբոլիստին իր կազմում ցանկանում է տեսնել «Չելսիի» գլխավոր մարզիչ Թոմաս Տուխելը:
«Քաղաքաբնակները» պատրաստ են Ստեռլինգին բաց թողնել 60 մլն եվրոյի դիմաց: Եթե գործարքը տեղի չունենա այս ամառ, 2023 թվականին խաղացողը կարող է հեռանալ ազատ գործակալի կարգավիճակով:
2021/22 մրցաշրջանում «Սիթիի» կազմում Ռահիմն անցկացրել է 47 հանդիպում, խփել 17 գոլ և կատարել 9 ասիստ: