«Մանչեսթեր Սիթիի» հարձակվող Ռահիմ Ստեռլինգը մոտ է Լոնդոնի «Չելսի» տեղափոխությանը, հաղորդում է The Telegraph-ը։
Ըստ աղբյուրի՝ 27-ամյա ֆուտբոլիստը պայմանագիր է համաձայնեցրել «կապույտների» հետ։ Կողմերն առաջիկա 24 ժամերին կպայմանավորվեն տրանսֆերի առանցքային կետերի շուրջ։
Անգլիացին «Մանչեսթեր Սիթիից» հեռանալու որոշումը կայացրել է նոր ակումբում ավելի շատ խաղաժամանակ ստանալու ակնկալիքով։ «Քաղաքայինների» հետ նրա պայմանագրի ժամկետը գործում է մինչև 2023 թվականի հունիսի 30-ը։
Ավելի վաղ հաղորդվում էր, որ գործարքի արժեքը կարող է կազմել 35 մլն ֆունտ (մոտ 41 մլն եվրո):