«Ասթոն Վիլայի» գլխավոր մարզիչ Սթիվեն Ջերարդը խոսել է կիսապաշտպան Ֆիլիպե Կոուտինյոյի ապագայի մասին: Հիշեցնենք՝ բրազիլացին վարձավճարով ելույթ է ունենում բիրմինգհեմյան ակումբում: Մասնագետն ասել է, որ ցանկանում է բրազիլացուն ընդմիշտ պահել թիմում։
«Ես իսկապես ցանկանում եմ, որ Կոուտինյոն ընդմիշտ մնա «Ասթոն Վիլայում». մենք փորձում ենք պահել նրան»,- ինսայդեր Ֆաբրիցիո Ռոմանոյի հաղորդմամբ՝ ասել է Ջերարդը:
Ավելի վաղ հաղորդվում էր, որ «Ասթոն Վիլան» «Բարսելոնայից» կգնի բրազիլացի կիսապաշտպանի տրանսֆերային իրավունքը՝ վճարելով 20 միլիոն եվրո: Ընթացիկ մրցաշրջանում 29-ամյա Կոուտինյոն «Ասթոն Վիլայի» կազմում անցկացրել է 16 հանդիպում՝ դառնալով 4 գոլի և 3 գոլային փոխանցման հեղինակ:
