«Նյուքասլի» նախկին գլխավոր մարզիչ Սթիվ Բրյուսը ցանկանում է վերադառնալ աշխատանքի։
Անգլիացի մասնագետը հետաքրքրված է «Մանչեսթեր Յունայթեդը» գլխավորելու տարբերակով՝ հաղորդում է The Athletic-ը։ Ըստ աղբյուրի՝ Բրյուսը կարծում է, որ ունակ է կարգավորել թիմի խաղը։
Ավելի վաղ, նույն աղբյուրի հաղորդմամբ՝ անգլիական ակումբը 5 մասնագետի թեկնածություն է դիտարկում։ Սուլշերին կարող են փոխարինել «Ռեալի» նախկին գլխավոր մարզիչ Զինեդին Զիդանը, ՊՍԺ-ի գլխավոր մարզիչ Մաուրիսիո Պոչետինոն, Բրենդան Ռոջերսը, որը գլխավորում է «Լեսթերը», և Խուլեն Լոպետեգին՝ «Սևիլիայից»։
Ժամանակավոր փոխարինվող է դիտարկվում Լորան Բլանը, որը ներկայումս աշխատում է կատարական «Ալ Ռայանում»։
«Մանչեսթեր Յունայթեդը» 12 տուրերից հետո վաստակել է 17 միավոր և զբաղեցնում է Պրեմիեր լիգայի մրցաշարային աղյուսակի 7-րդ հորիզոնականը։ Առաջատարը «Չելսին» է՝ 29 միավոր։