«Վալենսիայի» պաշտպան Գաբրիել Պաուլիստան մեկնաբանել է Իսպանիայի Արքայական գավաթի կիսաեզրափակիչ առաջին խաղում «Բարսելոնայից» կրած պարտության փաստը (0-1):
«Սուարեսի հետ բախո՞ւմը. խաղադաշտում նման բաներ պատահում են: Նա ինձ վախկոտ անվանեց, իսկ ես պատասխանեցի, որ նա լավ ֆուտբոլիստ է, աշխարհի լավագույն «9 համարը»: Բայց այդ ամենը մնաց խաղադաշտում, ինչի մասին մենք մոռացել ենք:
Ինչ վերաբերում է խաղին, ապա մենք պայքարեցինք մինչև վերջ, ինչպես ցանկացել էր Մարսելինյոն: Սա առաջին հանդիպումն էր, մենք պետք է պայքարեինք ամբողջ թիմով: Այժմ մեզ սպասում է պատասխան խաղը:
«Բարսելոնան» աշխարհի լավագույն թիմն է, և «Վալենսիան» պետք է խաղադաշտ դուրս գա եզրափակչում հայտնվելու ահռելի ցանկությամբ:
Տղաներն ասացին, որ Սերխի Ռոբերտոն Պերեյրայի նկատմամբ խախտման համար պետք է կարմիր քարտ ստանար, թեև մրցավարը դեղինով բավարարվեց: «Կամպ Նոու» մարզադաշտում ստիպված ես պայքարել ոչ միայն «Բարսայի», այլև մրցավարության դեմ»,- ասել է Պաուլիստան: