«Լայպցիգը» պաշտոնապես հայտարարել է «Զալցբուրգի» կիսապաշտպան Դոմինիկ Սոբոսլային գնելու մասին:
Հաղորդվում է, որ հունգարացու հետ կնքվել է 4.5 տարվա պայմանագիր, որը կգործի մինչև 2025-ի հունիսը: Գերմանական մամուլը գրում է, որ գործարքի արժեքը կազմել է ընդամենը 20 միլիոն եվրո: «Լայպցիգն» ու «Զալցբուրգը» պատկանում են միևնույն ընկերությանը:
Սոբոսլայի ծառայություններով հետաքրքրված էին մի շարք գրանդ ակումբներ, այդ թվում՝ «Ռեալը», «Արսենալն» ու «Միլանը»: