«Զալցբուրգի» երիտասարդ կիսապաշտպան Դոմինիկ Սոբոսլայի ապագայի հարցում որոշակիություն կա:
Ինչպես տեղեկացնում է Sky Sports-ը, տաղանդավոր հունգարացին մերժել է «Ռեալի» առաջարկն ու որոշում է կայացրել տեղափոխվել «Լայպցիգ», որի հետ համաձայնեցրել է պայմանագրի բոլոր կետերը: Աղբյուրի փոխանցմամբ՝ տրանսֆերը գրեթե կայացած է, ու պաշտոնապես կհայտարարվի հունվարյան տրանսֆերային պատուհանի ժամանակ:
«Լայպցիգն» ու «Զալցբուրգը» պատկանում են միևնույն ընկերությանը: Ավելի վաղ ավստրիական ակումբից գերմանական ակումբ են տեղափոխվել Նաբի Կեյտան, Մարսել Սաբիցերն ու Դայո Ուպամեկանոն: