6. Մաշկի մեջ / Under the Skin, (2013)
Գլազգոյում մի մոտոցիկլավար ճամփեզրից վերցնում է կնոջ մարմինը և դնում բեռնատարի մեջ։ Մի այլ մերկ կին (Սքարլեթ Յոհանսոն) հագնում է նրա մաշկը և շորերը։
Կինը Շոտլանդիայով մեկ վարում է բեռնատարը՝ փողոցներում վերցնելով տղամարդկանց։ Իր բնակարանում տղամարդիկ մերկանալով՝ հետևում են նրան և սուզվում են սև հատակի տակ գտնվող հեղուկի մեջ։ Այնտեղ նրանց մարմիններն անհետանում են, թողնելով միայն մաշկը։
Լողափին կինը փորձում է տանել մի լողորդի։ Լողորդը ջուրն է նետվում իր կնոջը փրկելու համար, բայց չի կարողանում։ Կինը քարով խփում է լողորդի գլխին. մտցնում է բեռնախուցը և տանում։ Ափին մնում է լողորդի լացող երեխան։
Կինը գայթակղում է սեռական անփորձ և հիվանդությունից այլանդակված դեմքով մի տղամարդու, թողնում է, որ նա սուզվի և գնում է Շոտլանդիայի լեռները։
Կինը մտնում է մի սրճարան և փորձում է ուտել թխվածքի մի կտոր, բայց չի կարողանում։ Ավտոբուսի կանգառում հանդիպում է մի տղամարդու, ով նրան տանում է իր տուն, նրա համար ճաշ է եփում և մատուցում։ Կինն իր մարմինը զննում է հայելու մեջ։ Իր ընկերոջ հետ նա գնում է ավերված ամրոց և նրանք համբուրվում են։ Տանը նրանք փորձում են զբաղվել սիրով, սակայն կինն ընդհատում և վախեցած զննում է իրեն։
Տագնապահար կինը գնում է անտառ և այնտեղ գտնում մի հյուղակ։ Նրան հանդիպում է անտառահատը և փորձում է բռնաբարել։ Շորերը հանելիս՝ նա պատռում է նաև կնոջ մեջքի մաշկը, բացելով սև, անդուր մարմինը։ Մինչև կինն իր վրայից հանում էր օտար մաշկը, անտառահատը վերադառնում է բենզինի ամանով, լցնում է նրա վրա և վառում։
7. Սուպեր ընտանիքը / The Incredibles, (2004)
Մուլտֆիլմի գլխավոր հերոսները սուպեր հերոսներ են, որոնք այլևս չեն զբաղվում իրենց հիմնական զբաղմունքով՝ աշխարհի փրկությամբ, այլ որոշել են ապրել հասարակ մահկանացուների կյանքով։ Անցյալում շատերն ունեին արտասովոր ուժեր և միահամուռ ջանքերով կարողանում էին դիմակայել չարիքին։ Բայց տարիներ անց հայտնվում է մի խորհրդավոր չարագործ և ընտանիքի հայրն իր կնոջ և երեխաները հետ ստիպված է պայքարել այդ չարիքի դեմ։
8. Ակվարիում / Fish Tank, (2000)
15-ամյա Միան ապրում է բազմահարկ տան բնակարաններից մեկում իր թեթևամիտ մոր և փոքր քրոջ հետ։ Աղջիկը ագրեսիվորեն է տրամադրված ամեն ինչին իր շրջապատում. նրան հեռացրել են դպրոցից, այնպես որ մայրը պատրաստվում է նրան ուղարկել գիշերօթիկ դպրոց։ Միայի միակ հետաքրքրությունը պարն է, որում նա անընդհատ կատարելագործվում է։ Մի անգամ առավոտյան խոհանոցում նա հանդիպում է իր մոր նոր ընկերոջը և չնայած այն անտարբերությանը և թշնամությանը, որ նա ցույց էր տալիս, Միայի մոտ այդ տղամարդու հանդեպ համակրանք է առաջանում։
9. Գորշ մարդը / Grizzly Man, (2005)
Ֆիլմը պատմում է Թիմոթի Թրեդվելի տխուր ճակատագրի մասին, որն իրեն նվիրել է մոլորակի վրա ամենատգեղ՝ գորշ արջի ուսումնասիրությանը: Թրեդվելի կյանքը խզվել է 2003 թվականի հոկտեմբերին Ալյասկայում։
Հսկայական արջը հերթական ճանապարհորդության ժամանակ հանդիպել է հետազոտողին և նրա ընկերուհուն։ Նկարի ողջ ընթացքում Թիմոթիի ընկերներն ու գործընկերները փորձում են հասկանալ նրա արտասովոր հետաքրքրության պատճառները և պատասխանել, թե ինչն է ստիպում ժամանակակից մարդուն հրաժարվել քաղաքակրթության բարիքներից՝ հօգուտ հսկա արջի հետ բարեկամության:
10. Մեքենայից / Ex Machina, (2014)
Ծրագրավորող Կալեբը ստանում է իր հանգիստը լեռներում գտնվող տանը անցկացնելու հնարավորություն, տուն, որը պատկանում է ծրագրավորման ընկերությանը (Նատան), որտեղ նա աշխատում է։ Տեղ հասնելով՝ նա իմանում է, որ պետք է մասնակցություն ունենա աշխարհում առաջին գիտական արհեստական բանականության փորձարկմանը։ Փորձարկումը հիմնված է Թյուրինգի թեստի վրա։ Սակայն այդ թեստը պլանավորված է ընկերության կողմից այնպես, որ Կալեբը ամենասկզբից իմանա, թե ով է իր առջև (Ռոբոտ՝ Ավան), իսկ մեքենայի նպատակն է՝ նրան ապացուցել, որ ինքը կարող է ոչ միայն ընդունել տեղեկություն, այլ նաև հասկանալ, թե այդ տեղեկությունը իրականում ինչ է նշանակում նաև զգալ։ Այդ կերպ, այդ փորձարկման մեջ երկու փորձարկու են. ոչ միայն մեքենան, այլ նաև նրա հետ համագործակցող ծրագրավորողը։
Թեստի անցկացման ժամանակ Կալեբը սիրահարվում է Ավային, որովհետև Նատանը ստեղծել էր նրան Կալեբի նախընտրությունների հիման վրա։ Բայց Ավան, խաբելով Կալեբին, դուրս է գալիս լաբորատորիայից և, պայմանավորվելով Կիոկոյի հետ (ես մեկ կին-ռոբոտի հետ), սպանում են սեփական ստեղծողին։ Դրանից հետո Ավան թռչում է ուղղաթիռով՝ թողնելով Կալեբին փակված լաբորատորիայի մեջ։
