Մադրիդի «Ռեալի» գլխավոր մարզիչ Սանտիագո Սոլարին իր կարծիքն է հայտնել մրցավարների տեսաօգնության VAR համակարգի վերաբերյալ, ինչպես նաև խոսել թիմի ֆուտբոլիստ Գարեթ Բեյլի շուրջ ստեղծված իրավիճակի մասին։
Ուելսցի խաղացողը, որը հայտավորված չէր «Ռեալ Սոսյեդադի» հետ Լա Լիգայի 18-րդ տուրի հանդիպմանը (0-2), մրցավեճի 78-րդ րոպեին հեռացել էր «Սանտիագո Բեռնաբեու» ստադիոնից։
«Մրցավարության որակը կախված է ոչ թե տեխնոլոգիաներից, այլ նրանից, թե որքան կոնկրետ և հասկանալի են գրված կանոնները։ Եթե դրանք կիրառվելու են նույնկերպ, ինչպես անցյալում էր, ապա ոչինչ էլ չի փոխվի։ Ես, երբ լինում են հանդիսատեսի կարգավիճակում, երբեմն չեմ հասկանում, թե ինչպես է աշխատում VAR-ը։ Կարծում եմ՝ տեխնոլոգիաները կատարելագործվելու են։ Չենք ցանկանում բողոքել, պարզապես փորձում ենք պաշտպանել ինքներս մեզ։
Ինչ վերաբերում է Բեյլի՝ ստադիոնը վաղաժամ լքելուն, ապա մենք ամեն ինչ կկարգավորենք մասնավոր զրույցի ժամանակ»,- Սոլարիի խոսքերը մեջբերում է AS-ը։
Սոլարին և Ռամոսը լուրջ խոսակցություն են ունեցել թիմի հետ
