տուր
01 Հունվար 1970 - 12:10
«Շիրակի» հետ խաղում դիպուկ իրացնելով 11մ հարվածը, «Արարատ-Արմենիայի» հարձակվող Յուսուֆ Օտուբանջոն Բարձրագույն խմբում 11-րդ գոլը խփեց և դարձավ ՀՀ առաջնությունների ամենաարդյունավետ նիգերիացի ֆուտբոլիստը: Նա մեկ գնդակով գերազանցեց Սոլոմոն Իմե Ուդոյի ցուցանիշը, որը ներկայումս հանդես է գալիս ղազախական «Շախտյորում»:
Վսևոլոդ Երմակովի տպավորիչ ռեկորդը, որն անգերազանցելի կմնա առաջիկա տարիներին
Յուսուֆ Օտուբանջոն «Արարատ-Արմենիայի» շարքերը համալրել էր նախորդ առաջնության գարնանային հատվածում: Արդեն նորամուտի խաղում նա դրսևորեց ռմբարկուի իր հատկանիշները՝ մարտի 2-ին «Արարատի» հետ մրցավեճում դառնալով դուբլի հեղինակ:
Նորամուտի խաղից նիգերիացի հարձակվողն իր հաստատուն տեղը զբաղեցրեց Վարդան Մինասյանի թիմի մեկնարկային կազմում և լիովին արդարացրեց մարզչի վստահությունը: Առաջնության 13 հանդիպումներում Օտուբանջոն 7 անգամ խոցեց մրցակիցների դարպասը՝ դառնալով գարնանային հատվածում թիմի լավագույն ռմբարկուն: Իսկ առաջնության արդյունքներով նրա ցուցանիշը զիջում էր միայն Մաիլսոն Լիմային, որը 26 հանդիպումներում 8 գոլի հեղինակ էր դարձել:
Արտակ Գրիգորյանի տպավորիչ ցուցանիշը․ այդ նվաճմանը մինչ այս հասել էր ընդամենը 13 ֆուտբոլիստ
Ընթացիկ առաջնությունում Օտուբանջոն 4-րդ գոլը խփեց և այդ ցուցանիշով հավասարվեց թիմի ռմբարկու Մաիլսոն Լիմային, որը հեռացել է «Արարատ-Արմենիայից»: Գոլերից 3-ն Օտուբանջոն խփել է «Շիրակի» դարպասը՝ դառնալով շիրակցիների հետ դիմակայությունում «Արարատ-Արմենիայի» լավագույն ռմբարկուն:
VNews.am-ը ներկայացնում է Հայաստանի առաջնությունների ամենաարդյունավետ նիգերիացի ֆուտբոլիստների ցուցանիշները:
Ֆուտբոլիստներ | Ակումբներ | Գոլ |
1. Յուսուֆ Օտուբանջո | «Արարատ-Արմենիա» | 11 |
2. Սոլոմոն Իմե Ուդո | «Շիրակ»-8, «Ուրարտու»-2 | 10 |
3. Ուգոչուկվու Լուիս Օգանա | «Արարատ-Արմենիա» | 9 |
4. Ջերեմիա Ջոն | «Ուրարտու»-4, «Միկա»-4 | 8 |
5. Իսահ Ալիյու | «Լոռի»-7, «Ուրարտու»-1 | 8 |
6. Սանդի Ինուսա Ումարու | «Լոռի» | 7 |
7. Դենիրան Օրտեգա | «Ուրարտու» | 7 |
8. Էլուկվու Էզուկամ | «Արարատ» | 6 |
9. Բասդեն Ուզուհեռ | «Արարատ»-4, «Լեռնագործ» Երևան-1 | 5 |
10. Սանի Օմորեգիեն | «Ալաշկերտ» | 5 |
11. Ուգոչուկվու Իվու | «Լոռի»-4, «Ուրարտու»-1 | 5 |