«Ատլետիկոյի» հարձակվող Լուիս Սուարեսը դուբլի հեղինակ է դարձել «Սելտայի» դեմ Լա Լիգայի 22-րդ տուրի խաղում (2:2): Պրիմերայում նա իր գոլերի թիվը հասցրել է 16-ի: Նման նվաճման համար նրան պահանջվել է 17 հանդիպում:
Ուրուգվայցին դարձել է Իսպանիայի առաջնության նոր թիմ տեղափոխվելուց հետո ամենաարագ 16 գոլ խփած ֆուտբոլիստը 21-րդ դարում:
Նախկինում արագ արդյունավետության ռեկորդը պատկանում էր Կրիշտիանու Ռոնալդուին, որը Մադրիդի «Ռեալ» տեղափոխվելուց հետո մեկնարկային 17 խաղում 15 գոլ է խփել: Պորտուգալացին նման ցուցանիշի է հասել 2009/10 առաջնությունում:
Սուարեսը «Բարսելոնայից» է տեղափոխվել «Ատլետիկո»: