«Բարսելոնայի» կիսապաշտպան Դենիս Սուարեսը, որը վարձավճարով հանդես էր գալիս «Արսենալում», հայտարարել է կատալոնական ակումբը լքելու որոշման մասին:
«Ես լքում եմ «Բարսելոնան»: Առաջարկ ունեմ արտերկրից, բայց ինձ համար առաջնային տարբերակ է շարունակում մնալ Լա Լիգան: «Սելտան» կարիերայի շարունակության հնարավոր տարբերակ է: Ես վստահ եմ, որ մի օր կվերադառնամ այդ ակումբ, բայց չգիտեմ, թե կոնկրետ երբ»,-25-ամյա ֆուտբոլիստի խոսքերն է փոխանցում Marca-ն:
«Սելտայից» բացի, Սուարեսի նկատմամբ հետաքրքրություն է ցուցաբերում «Ատլետիկոն» և «Վալենսիան»: