«Ատլետիկոյի» հարձակվող Լուիս Սուարեսի աշխատավարձը կարող է բարձրանալ՝ ըստ իր խփած գոլերի քանակի. այդպիսին է նրա պայմանագիրը մադրիդյան ակումբի հետ:
Ինչպես տեղեկացնում է Marca-ն, Սուարեսի աշխատավարձը, որ կազմում է տարեկան 10 միլիոն եվրո, կհասնի 14-ի, եթե նա կարողանա խփել 15 գոլ այս մրցաշրջանում, իսկ Սուարեսն արդեն խփել է 11-ը. գրեթե կասկած չկա, որ ուրուգվայցին կհատի 15 գոլի շեմը: Նշվում է նաև, որ Սուարեսի աշխատավարձը կրկին կարող է բարձրանալ, եթե նա հատի 20 գոլի սահմանը, իսկ եթե դառնա Լա լիգայի լավագույն ռմբարկու, կստանա հավելյալ բոնուս:
Այս պահին Սուարեսը Մեսիի հետ գլխավորում է Իսպանիայի առաջնության լավագույն ռմբարկուների ցանկը՝ խփած 11 գոլով:
