«Մանչեսթեր Յունայթեդի» գլխավոր մարզիչ Ուլե Գունար Սուլշերը մեկնաբանել է «Լիդսի» դեմ խաղի ժամանակ թիմի ֆուտբոլիտներ Ֆրեդի և Հարի Մագուայրի միջև տեղի ունեցած վիճաբանությունը: Ավելի վաղ անգլիական մամուլը հաղորդում էր, որ ֆուտբոլիստները միմյանց են մեղադրել խաղի ելքի հարցում:
«Մեր թիմում ֆուտբոլիստները պահանջկոտ են միմյանց հանդեպ: Բոլորի ամբիցիաները բարձր են ինչպես մարզումների, այնպես էլ՝ խաղերի ժամանակ: Տղաները չեն փորձում լինել միայն լավ ընկերներ:
Ես հպարտանում եմ, որ մենք այսքան ուժեղ ենք: Մրցակիցը ոչ մի պահի չստիպեց ինձ մտածել, որ մեր դարպասին վտանգ է սպառնում, բայց մեզ վերջին կայծը չբավականացրեց՝ խաղը հաղթելու համար», – Սուլշերի խոսքերն է փոխանցում Goal-ը: