Ամերիկայի Մայամի քաղաքում կայացած WTA-1000 շարքի մրցաշարի կանանց մենապայքարի եզրափակիչում մրցեցին Լեհաստանի ներկայացուցիչ Իգա Սվյոնտեկն ու ճապոնուհի Նաոմի Օսական:
Հանդիպումը տևեց 1 ժամ 20 րոպե և ավարտվեց աշխարհի երկրորդ ռակետ Սվյոնտեկի վստահ հաղթանակով (6:4, 6:0):
Նշենք, որ WTA դասակարգման աղյուսակի հերթական թարմացումից հետո Սվյոնտեկը ստանձնելու է աշխարհի առաջին ռակետի դերը: Իգան կգլխավորի դասակարգման աղյուսակը, քանի որ ավստրալուհի Էշլի Բարտին ավարտել է կարիերան: