Լոս Անջելեսի Microsoft Theatre-ում կայացել է BET Awards մրցանակի հանձնման 20-րդ արարողությունը։
Ամենամյա մրցանակը հանձնում է Black Entertainment Television հեռուստաալիքը։ Ավանդաբար, մրցանակի հավակնորդներն աֆրոամերիկացիներ են և Միացյալ Նահանգների ազգային փոքրամասնությունների ներկայացուցիչներ: Մրցանակը շնորհվում է անցած տարվա ընթացքում երաժշտության, դերասանական արվեստի, սպորտի և զվարճանքի այլ ոլորտներում ձեռքբերումների համար:
Երաժշտական անվանակարգերում երկու մրցանակի է արժանացել Silk Sonic-ը՝ Բրունո Մարսի և Անդերսոն Պաակի դուետը՝ որպես լավագույն դուետ և լավագույն ալբոմի համար՝ «An Evening With Silk Sonic»։
Լավագույն հիփ-հոփ կատարող է ճանաչվել Քենդրիկ Լամարը և մրցանակ ստացել լավագույն տեսահոլովակի համար՝ «Family Ties»։ Լավագույն հիփ-հոփ արտիստուհի է ճանաչվել Megan Thee Stallion-ը։ Լավագույն փոփ կատարողներ են ճանաչվել Ջազմին Սալիվանը և The Weeknd-ը։
BET Awards-ի շրջանակում Ուիլ Սմիթը և Զենդայան ճանաչվել են տարվա լավագույն դերասաններ։ Սմիթի մասնակցությամբ ֆիլմը՝ «Ռիչարդ արքան», մրցանակի է արժանացել «Տարվա ֆիլմ» անվանակարգում։