WBC վարկածով աշխարհի չեմպիոն Թայսոն Ֆյուրին 2-րդ անգամ հաջողությամբ պաշտպանել է տիտղոսը: Բրիտանացին 6-րդ ռաունդում նոկաուտի է ենթարկել Դիլիան Ուայթին և մենամարտից անմիջապես հետո հայտարարել կարիերան ավարտելու մասին.
«Կնոջս խոստացել եմ, որ չեմ վերադառնա ռինգ 14 տարվա ելույթներից հետո: Սիրում եմ բոլորիդ: Հիանալի էր Ուեմբլիում մենամարտելը: Մեծ Բրիտանիա, շնորհակալ եմ ջերմ ընդունելութան համար»,- եզրափակել է լեգենդար բռնցքամարտիկը:
Այսպիսով՝ Ֆյուրին 32-րդ հաղթանակը տոնեց պրոֆեսիոնալ ռինգում անցկացրած 33 մենամարտում (Ուալդերի դեմ առաջին մենամարտն ավարտվել էր ոչ-ոքի):
Դիլիան Ուայթը 31 մենամարտ է անցկացրել պրոֆեսիոնալ ռինգում, որոնցից պարտվել է 3-ում:
