«Բավարիայի» դարպասապահ և ավագ Մանուել Նոյերը վերականգնվել է կոճի վնասվածքից և, ամենայն հավանականությամբ, կօգնի իր թիմին Բունդեսլիգայի 2-րդ տուրում «Քյոլնի» դեմ կայանալիք խաղում:
Գերմանիայի հավաքականի ֆուտբոլիստը վնասվածք էր ստացել երկրի սուպերգավաթի շրջանակում Դորտմունդի «Բորուսիայի» դեմ տեղի ունեցած հանդիպմանը (3-1), որում մյունխենյան թիմը տիտղոս էր նվաճել:
Դարպասապահն արդեն վերսկսել է մարզումներն ու իրեն լավ է զգում: Այդ մասին իր թվիթերյան էջում գրել է Sport1-ի լրագրող Ֆլորիան Պլետենբերգը:
Հայաստանի հավաքականը 2022 թվականի Աշխարհի առաջնության ընտրական փուլի շրջանակում սեպտեմբերի 5-ին Շտուտգարտում ուժերը չափելու է Գերմանիայի ընտրանու հետ: Խոակին Կապառոսի գլխավորած թիմը, դրանից զատ, անցկացնելու է ևս 2 հանդիպում՝ սեպտեմբերի 2-ին հյուրընկալվելով Հյուսիսային Մակեդոնիային, սեպտեմբերի 8-ին էլ սեփական հարկի տակ մրցելով Լիխտենշտեյնի հետ:
«Բավարիան» ցանկանում է գնել Բունդեսլիգայի 3 տաղանդներին
