«Ռոմայի» հարձակվող Տեմի Աբրահամը կարող է կարիերան շարունակել ԱՊԼ-ում:

Corriere dello Sport-ը հայտնում է, որ 24-ամյա ռմբարկուի ծառայություններով լրջորեն հետաքրքրված են «Մանչեսթեր Յունայթեդն» ու «Արսենալը»: 

Նշվում է, որ անգլիացին ցանկանում է ելույթները շարունակել հռոմեական թիմում: Ի դեպ, հնարավոր տեղափոխությանը դեմ է նաև Ժոզե Մոուրինյոն, սակայն գործարքը կարող է կայանալ, եթե «Ռոման» ստանա համապատասխան փոխհատուցում:

2021/22 մրցաշրջանում «գայլերի» կազմում Աբրահամն անցկացրել է 52 հանդիպում, խփել 26 գոլ ու կատարել 5 ասիստ:

Հիշեցնենք, որ 2016-2021 թվականներին Տեմին ելույթ է ունեցել «Չելսիում»՝ այդ ժամանակահատվածում վարձավճարով խաղալով «Բրիսթոլ Սիթիում», «Սուոնսիում» և «Ասթոն Վիլայում»: