Կրիշտիանու Ռոնալդուն, ամենայն հավանականությամբ, կշարունակի ելույթները «Մանչեսթեր Յունայթեդում»:
Լրագրող Ջեյսոն Բարտի հաղորդմամբ՝ «կարմիր սատանաների» ապագա գլխավոր մարզիչ Էրիկ տեն Հագը, որն իր լիազորություններն ստանձնելու է մրցաշրջանի ավարտից հետո, ցանկանում է, որ պորտուգալացին մնա թիմում: Նիդեռլանդցի մասնագետը որոշել է նոր թիմը կառուցել «Ոսկե գնդակի» հնգակի դափնեկիրի շուրջ: Միևնույն ժամանակ լինելու են խաղեր, որոնք Ռոնալդուն սկսելու է պահեստայինների նստարանից:
Նշվում է, որ Կրիշտիանուն դեմ չէ ևս մեկ մրցաշրջան անցկացնել Մանչեսթերում (պայմանագրի ժամկետն ավարտվում է 2023 թվականի հունիսի 30-ին):
Ընթացիկ մրցաշրջանում ՄՅՈՒ-ի կազմում 37-ամյա ֆուտբոլիստն անցկացրել է 39 հանդիպում՝ դառնալով 24 գոլի և 3 ասիստի հեղինակ: