Բաժիններ

ԼՐԱՑՈՒՑԻՉ

    • ՍՊՈՐՏ

«Առաջին խաղում պարտությունը նվազեցրեց մեր հնարավորությունները». Գայանե Մովսիսյանի հարցազրույցը VNews-ին

Թենիսի Հայաստանի կանանց ազգային հավաքականի գլխավոր մարզիչ Գայանե Մովսիսյանն ընդհանուր առմամբ բավարարված է Չեռնոգորիայում անցկացված աշխարհի ոչ պաշտոնական թիմային առաջնության՝ Բիլի Ջին Քինգի գավաթի եվրո-աֆրիկյան գոտու 3-րդ խմբի մրցաշարին մեր ընտրանու մասնակցությունից։ VNews-ի հետ զրույցում մարզիչն այդպես մեկնաբանեց մեր մարզուհիների ելույթը, որի արդյունքում Հայաստանի հավաքականը, 11 թիմերի հաշվարկում գրավելով 7-րդ տեղը, մնաց նույն խմբում։

Հայաստանի հավաքականը ենթախմբում 2։1 հաշվով հաղթել է Մավրիկիոսին, նույն արդյունքով պարտվել է Մոլդովային, ինչպես նաև 0։2 արդյունքով զիջել է Մարոկկոյին։ 7-8-րդ տեղերի համար խաղում հայուհիները 2։1 հաշվով հաղթել են Գանայի մարզուհիներին։

«Նման ձևաչափով մրցաշարերում բոլոր հանդիպումներն էլ անչափ կարևոր են, քանի որ մեկ պարտությունն իսկ կարող է զրկել փլեյ-օֆֆին մասնակցելու հնարավորությունից։ Մոլդովայի հետ հանդիպման ելքը վճռվեց զուգախաղում. պարտությունը նվազեցրեց մեր հնարավորությունները։ Առհասարակ, այդ մրցաշարում մեր երկու հաղթանակներն էլ տարել ենք զուգախաղում հաջողության հասնելու շնորհիվ։ Հաղթական միավորները բերել են Անի Ամիրաղյանը և Գաբրիելա Հակոբյանը։ Իսկ ենթախմբում ավելի լավ ելույթ ունենալու հնարավորություն միշտ էլ կա, սակայն այս անգամ Մարոկկոյի և Մոլդովայի հավաքականներն ավելի լավ տպավորություն թողեցին և աղյուսակում շրջանցեցին մեզ»,- նշեց Գայանե Մովսիսյանը։

Անդրադառնալով Մարոկկոյի հետ ենթախմբի վերջին խաղին՝ մեր զրուցակիցն ասաց, որ հենց սկզբից ամեն ինչ ընթացավ մեզ համար անցանկալի հունով. «Այդ օրն ու նախօրեին տեղատարափ անձրև էր եղել, և կորտի ծածկույթը հեռու էր բավարար լինելուց։ Մեր մարզուհիները սովոր չեն թաց կորտում խաղալուն։ Ի լրումն՝ նաև ինքնազգացողության խնդիրներ ունեցան։ Հակոբյանը պարտվեց գործնականում առանց պայքարի, իսկ Ամիրաղյանն առաջին սեթում պարտվելուց հետո երկրորդում հաղթում էր 3։1 հաշվով, սակայն վատ զգալու պատճառով չկարողացավ ավարտին հասցնել այն։ Այլ պարագայում գուցեև կհաղթեինք Մարոկկոյին»։

Մարզիչը տեղեկացրեց նաև, որ հավաքականն ուժեղացնելու ներուժ կա. մի շարք առաջատար խաղացողներ ուսանում են ԱՄՆ-ի համալսարաններում և մարզվում տեղի ակումբներում։ Նրա պնդմամբ՝ այս անգամ հավաքականին միանալու հրավեր էին ստացել Իռեն Մուրադյանը և Միլենա Գևորգյանը, որոնք, սակայն, չկարողացան ժամանել։ Իսկ Մարինա Հարությունյանը չէր հասցրել վերականգնվել վնասվածքից։

Գայանե Մովսիսյանը ղեկավարելու է նաև մինչև 14 տարեկան տղաների Հայաստանի հավաքականը, որը պատրաստվում է հունիսի 26-29-ը Երևանում անցկացվելիք պատանիների Եվրոպայի գավաթի թիմային խաղարկությանը։ Նա նշեց, որ թիմում ընդգրկվել են տարիքային այդ խմբի մեր առաջատարները՝ Միքայել Ավանեսյանը, Դավիթ Պողոսյանը և Հովհաննես Սողոյանը։ Ըստ մարզչի՝ Ավանեսյանը վերջին մեկ տարում բավական լավ արդյունքներ է գրանցել և լավ մարզավիճակում է։ Մնացածը պայմանավորված է լինելու նրանով, թե պատանի մարզիկներն ինչպես կդրսևորեն իրենց կոնկրետ հանդիպումներում։ «Թեպետ բավական ուժեղ մրցակիցներ ենք ունենալու, բայց որոշակի ակնկալիքներ այնուհանդերձ կան։ Առանց սպասելիքների չի կարելի մրցումների մասնակցել։ Շատ բան պայմանավորված կլինի նաև այն հանգամանքով, թե երեխաներն ինչպես կհաղթահարեն սեփական հարկի տակ խաղալու հոգեբանական կաշկանդվածությունը»,- եզրափակեց Գայանե Մովսիսյանը։

Մեզ կարող եք հետևել նաև Telegram-ում
    • Ընթերցեք նաև

«Ուիմբլդոն» Ջոկովիչը, փայլուն քամբեք կատարելով, դուրս եկավ կիսաեզրափակիչ

  • 126

«Ուիմբլդոն». Նադալը քառորդ եզրափակիչում է (տեսանյութ)

  • 136

Դյուրանտը կարող է վերադառնալ «Գոլդեն Սթեյթ»

  • 115

ԵԱ. Հայ աթլետը չի հաղթահարել որակավորման փուլը

  • 173

Յան Նեպոմնյաշչնին 2-րդ անգամ անընդմեջ հաղթեց հավակնորդների մրցաշարում

  • 210

Կառլսենի համար Նեպոմնյաշչնու հաղթանակն անակնկալ էր

  • 260

Ալոնսոն գերազանցել է Ռայկոնենի ռեկորդը

  • 103

Գրիշչուկ. «Պարզ է, որ Կառլսենը չի ցանկանում մասնակցել տիտղոսային մրցամարտին»

  • 326

Պատանի հայ սուսերամարտիկները մեդալներ են նվաճել Վրաստանում

  • 45

Հրաչյա Ռոստոմյանը շնորհավորել է բասկետբոլիստներին և ըմբիշներին եվրոպական հաղթանակների կապակցությամբ 

  • 119

Հայ ջրացատկորդները բավարարվել են որակավորման փուլով

  • 151

Օլիվեյրա. «Կհաղթեմ Մախաչևին ու ձեռնոց կնետեմ Խաբիբին»

  • 762

«Ուիմբլդոն» . Կառլոս Ալկարասը դուրս մնաց պայքարից

  • 185

Յան Նեպոմնյաշչնին կրկին շախմատային թագը կվիճարկի Մագնուս Կառլսենի հետ

  • 163

«Ֆորմուլա-1». Մեծ Բրիտանիայի Գրան պրիի արդյունքները

  • 193

Սարսափելի վթար Մեծ Բրիտանիայի Գրան պրիում (տեսանյութ)

  • 1112