Եվրոպական առաջնություններն արդեն ամբողջովին թափ են հավաքել: Յուրաքանչյուր տուր իր հետ բերում է դիտարժան հանդիպումներ, սքանչելի գոլեր, ինչու ոչ՝ քննարկվող դրվագներ, հիմնականում՝ մրցավարության վերաբերյալ:
Արդեն որոշակիորեն ուրվագծվել է թիմերի այն շրջանակը, որն ունակ է լրջագույն խնդիրներ լուծելու մրցաշարերում: Թեև ամեն ինչ դեռ շատ խաբուսիկ է, քանի որ, ինչպես մարզիչներն են սիրում ասել, տիտղոսները խաղարկվում են ոչ թե սեպտեմբերին, այլ՝ մայիսին:
Ձեր ուշադրությանն ենք ներկայացնում թոփ-5 առաջնությունների այն թիմերին, որոնք մինչ օրս անպարտելի են:
Անգլիայի Պրեմիեր լիգա
Անցել է 6 տուր
«Մանչեսթեր Սիթի»
5 հաղթանակ, 1 ոչ-ոքի (խփած և բաց թողած գոլերի տարբերություն՝ 21-2)
Դիրքը մրցաշարային աղյուսակում՝ 1-ին հորիզոնական (16 միավոր)
«Մանչեսթեր Յունայթեդ»
5 հաղթանակ, 1 ոչ-ոքի (խփած և բաց թողած գոլերի տարբերություն՝ 17-2)
Դիրքը մրցաշարային աղյուսակում՝ 2-րդ հորիզոնական (16 միավոր)