Միջազգային հանդիպումներով պայմանավորված դադարն ավարտվել է, ինչը նշանակում է, որ կարող ենք դիմավորել ակումբային ֆուտբոլի վերադարձը:
Հոկտեմբերի մնացած հատվածը եվրոպական թոփ-5 առաջնություններում իրադարձություններով լի է լինելու, ուստի ձեր ուշադրությանն ենք ներկայացնում 8 հանդիպում, որ առավել ուշագրավ է և խոստանում է չափազանց դիտարժան պայքար: Խաղերը դասավորված են ժամանակագրական հաջորդականությամբ:
«Բորուսիա Դորտմունդ» – «Բորուսիա Մյոնխենգլադբախ»
Գերմանիայի Բունդեսլիգա, 8-րդ տուր, հոկտեմբերի 19, մեկնարկը՝ 20:30-ին, «Սիգնալ Իդունա Պարկ» ստադիոն, Դորտմունդ
Թիմերի դիրքերը մրցաշարային աղյուսակում՝ «Բորուսիա Դորտմունդ»՝ 8-րդ հորիզոնական (12 միավոր), «Բորուսիա Մյոնխենգլադբախ»՝ 1-ին հորիզոնական (16 միավոր)
Կողմերի միջև վերջին 5 պաշտոնական խաղում՝ բոլոր դեպքերում հաղթել է «Բորուսիա Դորտմունդը»
«Ֆուտբոլաթենիսագեղասահորդ».Պետր Չեխը ու ևս 9 ֆուտբոլիստ, որոնք անցել են այլ մարզաձևերի
«Մանչեսթեր Յունայթեդ» – «Լիվերպուլ»
Անգլիայի Պրեմիեր լիգա, 9-րդ տուր, հոկտեմբերի 20, մեկնարկը՝ 19:30-ին, «Օլդ Թրաֆորդ» ստադիոն, Մանչեսթեր
Թիմերի դիրքերը մրցաշարային աղյուսակում՝ «Մանչեսթեր Յունայթեդ»՝ 12-րդ հորիզոնական (9 միավոր), «Լիվերպուլ»՝ 1-ին հորիզոնական (24 միավոր)
Կողմերի միջև վերջին 5 պաշտոնական խաղում՝ թիմերը հաղթել են մեկական անգամ, գրանցվել է 3 ոչ-ոքի