Նիդերլանդների հավաքականի գլխավոր մարզիչ Ֆրանկ դե Բուրը հնարավոր է չմնա իր պաշտոնում:
Ինսայդեր Նիկոլո Սկիրան տեղեկացնում է, Նիդերլանդների ֆուտբոլի ֆեդերացիայի շատ անդամներ հիասթափված են 51-ամյա մասնագետի կատարած աշխատանքից և պահանջում են հեռացնել նրան: Վերջին մեկ ամսում Նիդերլանդներում դժգոհ էին, որ Դե Բուրը հրաժարվել է հոլանդական 4-3-3 դասավորությունից և անցել է ավելի պաշտպանողական՝ 5-3-2 սխեմային:
ԵՎՐՈ-2020-ում հոլանդացիները հասան 1/8 եզրափակիչ, որում 0:2 հաշվով պարտվեցին Չեխիայի ընտրանուն: Խմբային փուլում Դե Բուրի թիմը հաղթել էր բոլոր երեք խաղերը:
Դե Բուրը 2020 թվականի սեպտեմբերին է գլխավորել «նարնջագույններին»: Նրա պայմանագիրը նախատեսված է մինչև ԱԱ-2022-ի ավարտը: