Մոսկվայի ԲԿՄԱ-ի հենակետային կիսապաշտպան Տիգրան Ավանեսյանը երկարաձգել է պայմանագրի ժամկետն ակումբի հետ:
Նոր համաձայնագիրը նախատեսված է մինչև 2026 թվականի ամառը՝ տեղեկացնում է ռուսական ակումբի կայքը:
Ավանեսյանը ԲԿՄԱ-ի սանն է, որի ակադեմիա է ընդունվել 13 տարեկանում: 19-ամյա ֆուտբոլիստը երկու անգամ դարձել է Ռուսաստանի պատանեկան առաջնության չեմպիոն:
Ավարտված մրցաշրջանի երկրորդ կեսը Տիգրանը վարձակալությամբ անցկացրել է «Տամբովի» կազմում, որը դուրս մնաց Պրեմիեր լիգայից:
