Շաբաթվա 5 կարևոր իրադարձությունները հայկական սպորտային ճակատում: «Վիվառո նյուզը» ամփոփում է մարտի 28-ից ապրիլի 3-ը:
Զինծառայող ձյուդոյիստի հաղթանակը ադրբեջանցուն
Աթենքում մեկնարկեց ձյուդոյի երիտասարդական Եվրոպայի Գավաթի առաջնությունը: 55 կգ քաշային Շահեն Աբաղյանը վստահ հաղթանակով նվաճեց Եվրոպայի Գավաթը՝ պարտության մատնելով Ադրբեջանի ներկայացուցիչ Նաթիգ Գուրբանլիին:
Արդեն մեկնարկային գոտեմարտում նա առավելության էր հասել թուրք Չելիք Էմրեի նկատմամբ, որից հետո հաղթարշավը շարունակեց ու այս անգամ էլ հաղթեց 2 վրացի ձյուդոյիստներ Գիորգի Նիազաշվիլուն և Զուրաբ Կախնիաշվիլուն:
Հատկանշական է, որ Շահեն Աբաղյանը ծառայում է ՀՀ Բանակի կենտրոնական մարզական ակումբում, իսկ 2015թ.-ին ընդգրկվել է զինվոր-մարզիկների տասնյակում:
Նախորդ շաբաթը արդյունավետ էր, հատկապես, հայկական ձյուդոյի համար: Թուրքիայում մեր ձյուդոյիստ Ֆերդինանտ Կարապետյանը(66կգ) բրոնզե մեդալ է նվաճել: Սամսուն քաղաքում ընթացող վարկանիշային Գրան Պրիում որոշիչ մենամարտում հաղթեց Յակուբ Շամիլովին (Ռուսաստան) և դարձավ բրոնզե մեդալակիր:
Այս քաշային կարգում հաղթողի կոչումը նվաճել է կորեացի Կիմ Լիմուանը:
Ձյուդոյում Հայաստանն արդեն մեկ ուղեգիր ունի, հերթական անգամ Օլիմպիական խաղերին մասնակցելու իրավունք է վաստակել Հովհաննես Դավթյանը (73 կգ):
Ձյուդոյի Պատանեկան հավաքականից էլ մեկ այլ ձյուդոյիստ Գասպար Հայրապետյանը(50կգ), այս անգամ արդեն Ռուսաստանում դարձավ Եվրոպայի Գավաթի փոխչեմպիոն: Մինչ եզրափակիչ փուլը Գասպարը անընդմեջ հաղթանակել է 4 գոտեմարտում:
