«Էվերթոնի» և Բրազիլիայի հավաքականի հարձակվող Ռիշարլիսոնը տեղափոխվում է Լոնդոնի «Տոտենհեմ»:
Ինսայդեր Ֆաբրիցիո Ռոմանոյի հաղորդմամբ՝ բրազիլացին պայմանագիր է կնքել լոնդոնյան ակումբի հետ: Տեղափոխության համար անհրաժեշտ փաստաթղթերի մի մասն արդեն ստորագրվել է:
Գործարքը կարժենա 50 միլիոն ֆունտ՝ ներառյալ հավելավճարները: Բրազիլացին շուտով բուժզննում կանցնի:
Ռիշարլիսոնը 2018 թվականի հուլիսից պաշտպանում է «Էվերթոնի» գույները: Նրա պայմանագիրը լիվերպուլյան ակումբի հետ գործում է մինչև 2024 թվականի ամառ: