«Տոտենհեմը» Կլեման Լանգլեի վարձակալության վերաբերյալ բանակցություններ է վարում «Բարսելոնայի» հետ։
ESPN-ի հաղորդմամբ՝ կողմերն արդեն մի քանի շաբաթ է՝ քննարկում են գործարքը։ Ֆրանսիացին տեղ չունի կատալոնական ակումբի ծրագրերում, և «կապտանռնագույնները» նախընտրում են վաճառել նրա տրանսֆերային իրավունքը, սակայն վարձակալության տարբերակին նույնպես դեմ չեն։
Առաջիկա օրերին ֆուտբոլիստը կհանդիպի անգլիական ակումբի գլխավոր մարզիչ Անտոնիո Կոնտեի հետ։ Ընթացիկ մրցաշրջանում պաշտպանը մասնակցել է Լա լիգայի 21 հանդիպման, կատարել 1 արդյունավետ փոխանցում։