Այսքանով ավարտում ենք մեր տրանսֆերային դեդլայնը։ Բարի գիշեր բոլորին։
3:30․ «Բարսելոնան» տեղեկացնում է, որ մադրիդցիները վարձակալել են ֆրանսիացուն և պարտավորվել հետագայում գնել ամբողջ տրանսֆերը։
03:24. ՊԱՇՏՈՆԱԿԱՆ․ ԳՐԻԶՄԱՆԸ՝ վերադարձավ «ԱՏԼԵՏԻԿՈ»։
03:18. Չսպասելով ակումբներին, Լա լիգան Անտուան Գրիզմանին պաշտոնապես գրանցեց «Ատլետիկոյի» ֆուտբոլիստ։
03:10. Լա լիգան հայտարարեց, որ այժմ ստուգում է Գրիզմանի և Լյուկ դե Յոնգի տրանսֆերների փաատաթղթերը։
o3:07. Ի դեպ, կրկին «Շեֆիլդ Յունայթեդի» մասին։ «Բարսելոնայի» ֆուտբոլիստ Ալեքս Կոլյադոն այդ ակումբ չի տեղափոխվի։ Գործարքը խափանվեց։
03:05. «Ռոմայի» դարպասապահ Ռոբին Օլսենը վարձավճարով տեղափոխվեց «Շեֆիլդ Յունայթեդ»։
03:02. «Ռենը» պաշտոնապես ձեռք բերել «Մոնպելյեի» հարձակվող Գաետան Լաբորդեին։ Տրանսֆերը կազմել է 15 մլն եվրո։
02:56. Պաշտոնական․ Պաբլո Սարաբիան տեղափոխվեց «Սպորտինգ»։
02:52․ «Չելսին» Սաուլի վարձակալության համար վճարելու է 5 մլն եվրո, իսկ հետո կարող է 40 մլնով գնել ամբողջ տրանսֆերը։
02:48. ՊԱՇՏՈՆԱԿԱՆ․ Սաուլ Նիգեսը՝ «Չելսիի» ֆուտբոլիստ։ Կնքվել է մեկ տարվա վարձակալության պայմանագիր։ Սաուլը 340 խաղ է անցկացրել «Ատլետիկոյի» կազմում և այժմ հեռանում է։
We’re delighted to welcome @saulniguez to the club on a season-long loan! #HolaSaul
— Chelsea FC (@ChelseaFC) August 31, 2021
02:46. Մարիանո Դիասը կրկին մերժեց բոլոր առաջարկները և մնաց Մադրիդի «Ռեալում»։
02:45. Ֆալկաոն պաշտոնապես խզեց «Գալթասարայի» հետ պայմանագիրը։
02:40. Այժմ արդեն գրում են, որ բոլոր երեք գործարքները հասցրել են ձևակերպել։ Այսպիսով, Գրիզմանը տեղափոխվում է «Ատլետիկո», Սաուլը՝ «Չելսի», իսկ Լյուկ դե Յոնգը՝ «Բարսելոնա»։
02:28. Ֆաբրիցիո Ռոմանոն տեղեկացնում է, որ «Չելսին» հասցրել է վարձակալել Սաուլին։ Դա նշանակում է, որ Գրիզմանի տրանսֆերն էլ հնարավոր է հասցրած լինեն ձևակերպել։
02:25. Պաշտոնական․ Սալոմոն Ռոնդոնը՝ «Էվերթոնի» ֆուտբոլիստ։
02:22. ՊԱՇՏՈՆԱԿԱՆ․ ՊՍԺ-ն վարձակալեց «Սպորտինգի» ձախ պաշտպան Նունու Մենդեշին, որի տրանսֆերը կարող է հետագայում գնել 40 մլն եվրոյով։ Վարձակալության համար կվճարվի 7 մլն եվրո։
— Paris Saint-Germain (@PSG_inside) August 31, 2021
02:15. Տարբեր աղբյուրներ գրում են, որ Գրիզմանի վերադարձն «Ատլետիկո» չի կայացել։ Պատճառը Սաուլ Նիգեսի՝ «Չելսի» տեղափոխության ձգձգումն է։
02:05. Գրիզմանի տրանսֆերի մասին պաշտոնական հայտարարությունը կարող է նաև հետո լինել, կարևորը հասցրած լինեն ձևակերպել գործարքը։
02:00. ՏՐԱՆՍՖԵՐԱՅԻՆ ՊԱՏՈՒՀԱՆԸ ՓԱԿՎԵՑ
01:55. «Տոտենհեմը» խզեց Սերժ Օրյեի հետ պայմանագիրը։
01։49. Բելերինին հրաժեշտ տալուց քիչ հետո «Արսենալը» հայտարարեց «Բոլոնյայի» աջ պաշտպան Տակեհիրո Տոմիյասուի տրանսֆերի մասին։ Գործարքը կազմելու է մոտ 18 մլն եվրո։
01:20. «Լացիոն» պաշտոնապես վարձակալեց «Վերոնայի» կիսապաշտպան Մատիա Ձականիին։
01:20. Քանի դեռ Մարիանո Դիասը մտածում էր, «Մալյորկան» արագորեն այլ տարբերակ գտավ և համաձայնության հասավ Ռադամել Ֆալկաոյի հետ։ Կոլումբացին խզում է «Գալաթասարայի» հետ պայմանագիրը (AS):
00:50. ՊԱՇՏՈՆԱԿԱՆ․ Էկտոր Բելերինը վարձավճարով «Արսենալից» տեղափոխվեց «Բետիս»։ Իսպանացիներն այսպես հումորով հայտնեցին այդ մասին․
00:44. «Բարսելոնան» իր վերջին ընկերական խաղերի լավագույն ռմբարկու Ռեյ Մանային պաշտոնապես վարձակալությամբ ուղարկեց «Սպեցիա». 300 հազար եվրո և ամբողջական տրանսֆերը 2,7 մլնով գնելու հնարավորություն։
01:30. «Սելթիկի» վերջին երեք տարիների լավագույն ռմբարկու Օդսոն Էդուարը պաշտոնապես տեղափոխվեց ԱՊԼ՝ «Քրիսթալ Փելաս»։ Պարգևավճարների հետ միասին տրանսֆերը գերազանցում է 20 մլն եվրոն։
01:15. Շարունակվում ենք Գրիզմանի մոտալուտ տրանսֆերի վերաբերյալ իրարամերժ տեղեկություններ ստանալ։ Sport.es-ը գրում է, «Ատլետիկոն» 10 մլն եվրո է վճարելու վարձակալության համար և պարտավորվելու է 40 մլնով գնել ամբողջ տրանսֆերը։ Սպասենք պաշտոնական հայտարարությանը․․․․
00:59. Մադրիդի «Ռեալն» ու «Ռայո Վալեկանոն» համաձայնեցրել են Մարիանո Դիասի տրանսֆերը, սակայն հարձակվողը համաձայնությունը դեռ չի տալիս:
00:50. Ռաֆայել Բենիտեսի խնդրանքով «Էվերթոնը» ձեռք է բերում հարձակվող Սալոմոն Ռոնդոնին, որը իսպանացու գլխավորած արդեն երրորդ թիմ է տեղափոխվում։
00:08. Sky Sports-ը հայտնում է, որ «Ատլետիկոն» պարզապես վարձակալել է Անտուան Գրիզմանին։ Տրանսֆերը գնելու հնարավորությունը կկազմի 40 մլն եվրո։
00:00. «Միլանը» 8 մլն եվրոյով «Բորդոյից» գնեց Յասին Ադլիի տրանսֆերը և նրան մեկ տարվա վարձակալությամբ ուղարկեց ֆրանսիական այդ ակումբ։
23:54. «Սամպդորիան» հայտարարեց Ջեյսոն Մուրիլյոյն «Սելտայից» վարձակալելու մասին։
23:46. Կրիշտիանու Ռոնալդուի առաջին լուսանկարը ՄՅՈւ վերադառնալուց հետո։
23:41. «Միլանը» հարձակվողական ոճի նոր կիսապաշտպան ունի։ «Ռոսոսներիները» պաշտոնապես «Սպեցիայից» վարձակալել են Ժունիոր Մեսիասին։
23:35․ «Վեսթ Հեմի» չեխական դեսանտն ընդլայնվեց։ Կիսապաշտպան Ալեքս Կրալը Մոսկվայի «Սպարտակից» տեղափոխվեց Լոնդոն։ Նրան այնտեղ այսպես դիմավորեցին Սուչեկն ու Ցուֆալը։
Thought we’d leave this introduction to our #CzechMates… pic.twitter.com/XJ8Y3iJqJs
— West Ham United (@WestHam) August 31, 2021
23:32. Lequipe. Գրիզմանը դարձավ «Ատլետիկոյի» ֆուտբոլիստ։
23:26. Իտալացիներն էլ ակտիվացան։ Ֆելիպե Կայսեդոն «Լացիոյից» տեղափոխվեց «Ջենոա», իսկ Յոսիպ Բրեկալոն «Վոլֆսբուրգից»՝ «Տորինո»։
23:18. Բալդե Կեյտան՝ «Կալյարիի» ֆուտբոլիստ։
23:11. Իսպանիայում գրում են, որ «Բարսելոնան» համաձայնության է հասել Լյուկ դե Յոնգի հետ և այժմ բանակցում է «Սևիլիայի» հետ։
23:07. Մադրիդի «Ռեալին» մոտ կանգնած աղբյուրները վստահեցնում են, որ այսօր մադրիդցիները 200 մլն եվրո են առաջարկել Կիլիան Մբապեի տրանսֆերի համար, սակայն ՊՍԺ-ն այդպես էլ չի պատասխանել նրանց։
22:58. «Չելսիի» ու «Սևիլիայի» միջև բանակցությունները Ժյուլ Կունդեի վերաբերյալ վերջնականապես ավարտվեցին անհաջողությամբ (Ֆաբրիցիո Ռոմանո)։
22:51. «Բարսելոնայի» վինգեր Ալեքս Կոլյադոն տեղափոխվում «Շեֆիլդ Յունայթեդ» (ինսայդեր Ալբերտ Ռոխե)։
22.44. Ֆալկաոյից զատ «Մալյորկան» լրջորեն հետքրքրված է նաև «Ռեալի» հարձակվող Մարիանո Դիասի ծառայություններով։
22:40. Sky Sports. Գրիզմանի տեղափոխությունը «Ատլետիկո» անխուսափելի է։ ESPN․ կատալոնացիներն ու մադրիդցիները համաձայնության հասան։
22:28. «Սամպդորիան» պաշտոնապես ձեռք բերեց «Սասուոլոյի» հարձակվող Ֆրանչեսկո Կապուտոյին։ Այժմ հարձակվողը Ճենովայում կփորձի մրցակցի դարպասը «կապուտո» անել։
22:22. Իսկ հիմա «Բարսելոնայի» մասին ներկայիս իրականությանն ավելի մոտ շշուկներ։ Կատալոնացիները «Սևիլիային» դիմել են հարձակվող Լյուկ դե Յոնգի տեղափոխության վերաբերյալ (AS):
22:19. «Չելսիի» պաշտպան Էթան Ամպադուն վարձավճարով տեղափոխվեց «Վենեցիա»
22:15. Օրվա նոր սենսացիան է հասունանում։ Ռադամել Ֆալկաոն կարող է վերադառնալ Իսպանիա և տեղափոխվել «Մալյորկա»։
22:11. «Լեսթերը» մեկ տարով վարձակալեց «ՌԲ Լայպցիգի» ֆուտբոլիստ Ադեմոլա Լուկմանը։ Առաջընթաց «Ֆուլհեմում» հաջող տարի անցկացնելուց հետո։
22:05. «Ռեալը» դեռ հույս ունի վերջին պահին գնել Կիլիան Մբապեի տրանսֆերը։ «Արքայական ակումբը» 7 պայմանագիր է պատրաստել ֆրանսիացու տրանսֆերն իրականացնելու համար։ 4 իրավաբան կաշխատեն տեղափոխության ուղղությամբ, եթե ՊՍԺ-ն տա իր համաձայնությունը՝ հաղորդում է El Chiringuito-ն։
22:00. «Ատլետիկոյի» կիսապաշտպան Սաուլը տեղափոխվում է «Չելսի»։ Մեկ տարվա վարձակալության համար լնդոնցիները կվճարեն 5 մլն եվրո։ (Ինսայդեր Ֆաբրիցիո Ռոմաանո)։
21:50. ՊԱՇՏՈՆԱԿԱՆ․ «Բարսելոնայի» աջ պաշտպան Էմերսոնը տեղափոխվեց «Տոտենհեմ»։ Տրանսֆերը կազմել է 25 մլն եվրո։ Բրազիլացին կնքել է հինգ տարվա պայմանագիր և խաղալու է 12 համարի խաղաշապիկով։
21:40. Փոքր ընդմիջումից հետո վերադառնում ենք․․․
20:59. Յոսիպ Բրեկալոն շատ մոտ է «Վոլֆսբուրգից» «Տորինո» տեղափոխվելուն: Նա արդեն Թուրինում է, սակայն սպասվածից ուշ է հասել Իտալիա և քիչ ժամանակ է ունեցել բուժզննման համար: Եթե «Տորինոն» չմտափոխվի, ապա 1 մլնով կվարաձակալի խորվաթին և հնարավորություն կունանա 11 մլնով գնել ամբողջ տրանսֆերը (Football Italia):
20:52. Իսպանիայում նշում են, որ Կամավինգայի արդեն կայացած և Աուարի հնարավոր տրանսֆերներից հետո Սեբալյոսը դժվար թե մնա Մադրիդի «Ռեալում»:
20:43. «Նապոլին» հայտարարեց «Ֆուլհեմի» հենակետային կիսապաշտպան Անդրե Զամբո Անգիսային վարձակալելու մասին: Իտալացիներն իրավունք կունենան ձեռք բերել ամբողջական տրանսֆերը:
20:40. «Բավարիայի» կենտրոնական պաշտպան Քրիս Ռիչարդսը կրկին վարձակալությամբ տեղափոխվեց «Հոֆենհայմ»:
20:37. «Արքայական ակումբը» տեղեկացնում է, որ 18-ամյա ֆուտբոլիստի հետ պայմանագիրը նախատեսված է մինչև 2027 թվականի ամառը: Ոչ պաշտոնական տվյալներով՝ տրանսֆերը կազմել է 31 մլն եվրո, գումարած հնարավոր պարգևավճարներ:
20:33. ՊԱՇՏՈՆԱԿԱՆ. Էդուարդո Կամավինգան՝ «Ռեալի» ֆուտբոլիստ:
#WelcomeCamavinga
@Camavinga pic.twitter.com/qECpcYxw0F— Real Madrid C.F. (@realmadrid) August 31, 2021
20:29. Մեկ ժամ առաջ հայտնի էր դարձել, որ ՊՍԺ-ն բանակցում է, իսկ հիմա արդեն համաձայնության է հասել: Փարիզցիները 7 մլն եվրոյով վարձակալում են «Սպորտինգի» ձախ պաշտպան Նունու Մենդեշին և հնարավորություն են ունենալու 40 մլնով գնել ամբողջ տրանսֆերը: Պորտուգալացու հետ 5 տարվա պայմանագիր է համաձայնեցվել (Ֆաբրիցիո Ռոմանո):
20:26. Գրիզմանն ու «Ատլետիկոն» 3 տարվա պայմանագիր են համաձայնեցրել (Sport.es):
20:21. Ֆաբրիցիո Ռոմանոն և Նիկոլո Սկիրան շտապում են հայտնել, որ «ՌԲ Լայպցիգը» հրաժարվել է վաճառել Դանի Oլմոյին «Բարսելոնային», որը պատրաստ էր 75 մլն եվրո վճարել իսպանացու համար: Գերմանիայում տրանսֆերային պատուհանն արդեն փակվել է և հարձակվողին հնարավոր չէր փոխարինող գտնել:
20:20. «Յուվենտուսն» այնքան շատ է ցանկանում ձերբազատվել կիսապաշտպան Ուեսթոն Մակենիից, որ նրա տրանսֆերն առաջարկվել է նույնիսկ «Բարնլիին»:
20:16. ՊԱՇՏՈՆԱԿԱՆ. Իլայիշ Մորիբան «Բարսելոնայից» տեղափոխվեց «ՌԲ Լայպցիգ»: Տրանսֆերը կազմել է 16 մլն եվրո, գումարած 6 մլնի հնարավոր հավալավճարներ: Կիսապաշտպանի հետագա վաճառքի դեպքում կատալոնացիներին կփոխանցվի գումարի 10 տոկոսը:
Bienvenido, @IlaixMK! #HereWeGoMoriba #DeadlineDay pic.twitter.com/fsoGugZgtV
— RB Leipzig (@RBLeipzig) August 31, 2021
20:11. «Բարսելոնան» և Օլմոն արդեն 5 տարվա պայմանագիր են համաձայնեցրել: Նրան դիտարկում են որպես Գրիզմանին փոխարինող:
20:08. ԲՈՄԲ Mundo Deportivo-ի կողմից. «Բարսելոնան» 75 մլն եվրո է առաջարկել «Լայպցիգի» հարձակվող Դանի Օլմոյի տրանսֆերի համար: Հնարավոր է նաև վարձակալություն՝ տրանսֆերը պարտադիր գնելու պայմանով: Օլմոն «Բարսայի» սան է:
20:03. ԱՆԿԱՆԿԱԼ. «Ռեալը» բանակցում է «Լիոնի» հետ կիսապաշտպան Ուսեմ Աուարի տրանսֆերի շուրջ: Գործարքի հավանական արժեքը՝ 30-35 մլն եվրո (Radioestadio):
20:01. Դենիս Պրատը «Լեսթերից» վերադարձավ Իտալիա և կխաղա «Տորինոյում». վարձակալություն՝ ամբողջական տրանսֆերը գնելու հնարավորությամբ:
20:00. Գերմանիայում տրանսֆերային պատուհանը փակվեց, բայց գրանցված գործարքների մասին կարող են ավելի ուշ հայտարարել: Անգլիայում և Իսպանիայում տրանսֆերային պատուհանի փակման վերջնաժամկետը 02:00-ն է, իսկ Ֆրանսիայում և Իտալիայում՝ 03:00-ն:
19:58. «Վերդերը» վարձակալում է «Բայերի» եզրային պաշտպան Միտչել Վայզերին, որը մի քանի տարի առաջ անչափ խոտումնալից էր համարվում: (Bild):
19:53. «Արսենալը» Բելերինից բաժանվելու հետ մեկտեղ ձեռք է բերում «Բոլոնիայի» աջ պաշտպան Տակեհիրո Տոմիասուին: Տրանսֆերը կկազմի 23 մլն եվրո: Ինսայդեր Ջանլուկա Դի Մարցոն հայտնում է, որ ճապոնացին այս պահին բուժզննում է անցնում «զինագործների» համար:
19:45. Մարկ Կուկուրելյան արդեն «Բրայթոնի» մարզաշապիկով է:
19:40. Ատնուան Գրիզմանի մասին նորությունները շատ են: Ֆրանսիական GFFN-ն վստահեցնում է, որ «Բարսելոնան» պատրաստ է 50 մլնով վաճառել նրա տրանսֆերը «Ատլետիկոյին» կամ վարձավճարով նրան ուղարկել Մադրիդ, եթե աշխատավարձը Լա լիգայի գործող չեմպիոնը վճարի:
19:38. ՊՍԺ-ն կանգնել չունի: TMW-ի լրագրող Մարկո Կոնտեիրոն վստահեցնում է, որ փարիզցիները ցանկանում են 40 մլն եվրոյով գնել «Սպորտինգի» ձախ պաշտպան Նունու Մենդեշին և առաջարկում են նաև Պաբլո Սարաբիայի վարձակալությունը: Պորտուգալացուն առաջարկել են 5 տարվա պայմանագիր:
19:36. Հարձակվողական ոճի կիսապաշտպան Ռիս Նելսոնը պաշտոնապես «Արսենալից» տեղափոխվեց «Ֆեյենորդ»: Գործարքը մեկ տարվա վարձակալությամբ է:
19:32. Ջեյմսի տրանսֆերի դիմաց «Մանչեսթեր Յունայթեդը» կստանա 29 մլն եվրո:
19:26. ՊԱՇՏՈՆԱԿԱՆ. Դենիել Ջեյմսը «Մանչեսթեր Յունայթեդից» տեղափոխվեց «Լիդս Յունայթեդ»: Նա կխաղա 20 համարի մարզաշապիկով:
19:22. Կինոն իրականություն է դառնում: «Գոլ» ֆիլմում Սանտիագո Մունիոսը տեղափոխվեց «Նյուքասլ», իսկ հետո նաև «Ռեալ»: Եվ ահա «Նյուքասլը» քիչ առաջ հայտարարեց 19-ամյա մեքսիկացի հարձակվողի տրանսֆերի մասին, որի անունը ՍԱՆՏԻԱԳՈ ՄՈՒՆՅՈՍ Է:
19:19. «Մոնակոյի» հարձակվող Բալդե Կեյտան մոտ է Իտալիա վերադառնալուն: Նրա տրանսֆերի փաստաթղթերի ձևակերպման փուլում է «Կալյարին»:
19:17. «Ատալանտայի» հարձակվող Սեմ Լամերսը վարձավճարով տեղափոխվեց Ֆրանկֆուրտի «Այնտրախտ»:
19:11. «Բենֆիկայի» հարձակվող Վինիսիուսը բուժզննում անցավ ՊՍՎ տեղափոխվելու համար: Նա բազմաթիվ առաջարկներ է ստացել, սակայն ընտրել է հոլանդական ակումբը: Այնտեղ նրանից շաաաաատ գոլ ենք սպասում:
19:05. Էկտոր Բելերինը «Արսենալից» տեղափոխվում է «Բետիս», բայց միայն վարձակալական հիմունքներով: Իսպանացիներն իրավունք չեն ունենա գնել ամբողջական տրանսֆերը (Sky Sports):
19:00. «Ատլետիկոն» պատրաստ է «Բարսելոնային» «ազատել» Գրիզմանի հսկայական աշխատավարձից: Մադրիդցիներն առաջարկել են վարձակալել Անտուանին: «Բարսելոնան» և գործակալ Ժորժե Մենդեշը պնդում են, որ հարկավոր է գործարքում ներառել Ժոաու Ֆելիշին (Mundo Deportivo):
18:57. Ժամեր առաջ հայտնի էր դարձել, որ «Բարսելոնան» «Ատլետիկոյին» առաջարկել է Գրիզման-Ֆելիշ փոխանակումը: Տարբեր աղբյուրներ գրում են, որ կատալոնացիները շարունակում են այդ գործարքի շուրջ աշխատել:
18:55. Marca-ն հայտնում է, որ Պաբլո Սարաբիան շատ մոտ է վարձավճարով ՊՍԺ-ից Լիսաբոնի «Սպորտինգ» տեղափոխվելուն:
18:47. Պորտուգալացի ինսայդերները տեղեկացնում են, որ «Սպորտինգը» համաձայնել է վաճառել ձախ պաշտպան Նունու Մենդեշին, որի տրանսֆերը գնահատվում է 40 մլն եվրո: Հնարավոր գնորդների թվում են «Մանչեսթեր Սիթին», «Մանչեսթեր Յունայթեդը», «Բարսելոնան» և ՊՍԺ-ն:
18:45. «Չելսին» կենտրոնացած է Լա Լիգայի վրա: Անգլիական ակումբը կրկին ցանկանում է վարձակալել «Ատլետիկոյի» կիսապաշտպան Սաուլ Նիգեսին՝ ամբողջական տրանսֆերը գնելու իրավունքով (The Athletic):
18:39. «Չելսին» կկարողանա Ժյուլ Կունդեին ձեռք բերել, եթե «Սևիլյային» վճարի ֆրանսիացու հրաժարագինը: Իսպանացիները հրաժարվում են այլ տեսակի բանակցություններից:
18:33. «Բարսելոնան» այսօր ամենաակտիվ ակումբներից է: Կումանը հայտարարել էր, որ թիմում է 32 ֆուտբոլիստ կա և հարկավոր է շատերին հրաժեշտ տալ: Ռոմանոն հայտնում է, որ հարձակվող Ռեյ Մանայը տեղափոխվում է իտալական «Սպեցիա»: Տրանսֆերը կկազմի 3 մլն եվրո: Շուտով սպասվում են նաև Էմերոսնի և Իլայիշ Մորիբայի տրանսֆերների հաստատումը:
18:27. «Ռենի» կիսապաշտպան Էդուարդո Կամավինգան մեկ ժամ առաջ պայմանագիր կնքեց Մադրիդի «Ռեալի» հետ: Տրանսֆերը կկազմի 31 մլն եվրո: Նախատեսված են նաև այլ հավելավճարներ:
18:22. «Մանչեսթեր Յունայթեդի» վինգեր Դենիել Ջեյմսը պայմանագիր ստորագրեց «Լիդսի» հետ: Գործարքը ստորագրված է: Տրանսֆերը ավելի թանկ գնով է, քան ՄՅՈՒ-ն վճարել է Կրիշտիանու Ռոնալդուի համար: Սպասենք պաշտոնական հաստատմանը:
18:20. Ջերոմ Բոատենգն ազատ գործակալի կարգավիճակով տեղափոխվում է Լիոնի «Օլիմպիկ»: Նա արդեն հաջող բուժզնում է անցնել:
18:17. Ֆաբրիցիո Ռոմանոն այսօրվա տրանսֆերային դեդլայնի ամենակարևոր մարդկանցից մեկն է: Ներկայացնում ենք մի քանի լուրեր, որը նա հայտնեց վերջին մեկ ժամում:
18:06. «Յուվենտուսն» անմիջապես հայտարարեց նոր տրանսֆերի մասին: Թուրինցիները 5,5 մլն եվրոյով ՊՍՎ-ից ձեռք բերեցին կիսապաշտպան Մոհամեդ Իհատարենին և անմիջապես նրան վարձակալությամբ ուղարկեցին «Սամպդորիա»: 19-ամյա ֆուտբոլիստի գործակալը Մինո Ռայոլան է, ով մեկ օրում իր երկրորդ հաճախորդին ուղարկեց «ծեր սինյորա»: Առաջինը Մոյզե Քինն էր:
_________________________________________________________________
17:30. Այսօր առավոտյան և ցերեկը պաշտոնապես հաստատվել են մի քանի ուշագրավ գործարքներ: Կրիշտիանու Ռոնալդուն պաշտոնապես «Յուվենտուսից» տեղափոխվեց «Մանչեսթեր Յունայթեդ»: Ակումբները հայտնեցին մանրամասներ: Գործարքը կազմեց 15 մլն եվրո: Եվս 8 մլն նախատեսված է հավելավճարների տեսքով:
«Յուվենտուսն» արագորեն փոխարինող գտավ պորտուգալացուն: «Էվերթոնից» Թուրին է վերադարձել Մոյզե Քինը: Իտալացիները 2 տարով վարձակալել են հարձակվողին և իրավունք կունենան 28 մլնով գնել ամբողջ տրանսֆերը: Վարձակալության համար կվճարվի 7 մլն եվրո:
«Վեսթ Հեմը» 29 մլն եվրոյով Մոսկվայի ԲԿՄԱ-ից գնեց հարձակվողական ոճի կիսապաշտպան Նիկոլա Վլաշիչին:
«Բարսելոնայի» սան Մարկ Կուկուրելյան տեղափոխվել է «Բրայթոն»: Անգլիական ակումբը վճարեց նրա հրաժարագինը՝ 18 մլն եվրո: Այդ գումարի մի մասը կփոխանցվի «Բարսելոնային»:
_________________________________________________________________
VNews.am-ը սկսում է տրանֆսերային պատուհանի վերջին օրվա գործարքների լուսաբանումը՝ օնլայն տարբերակով:
