Հայաստանի հավաքականի և «Հոֆենհայմի» ֆուտբոլիստ Սարգիս Ադամյանի տրանսֆերային արժեքը բարձրացել է:
Ըստ Transfermarkt-ի վերջին թարմացումների՝ Ադամյանի տրանսֆերային արժեքն աճել է 1 միլիոն եվրոյով. հայ ֆուտբոլիստը 3 միլիոն եվրոյի փոխարեն այժմ գնահատվում է 4 միլիոն եվրո:
2019 թվականին Ադամյանի տրանսֆերային արժեքը կայուն է աճ է գրանցում. ընթացիկ տարվա հունվարին նրա տրանսֆերային արժեքը կազմել է 1.5 միլիոն եվրո. 6 ամիս անց՝ հունիսի 12-ի դրությամբ Ադամյանի գինը կրկնապատկվել է՝ դառնալով 3 միլիոն, իսկ այժմ արդեն «Հոֆենհայմում» հարձակվողը գնահատվում է 4 միլիոն եվրո:
Այս մրցաշրջանում հայ ֆուտբոլիստն անցկացրած 8 խաղում դարձել է 4 գոլի հեղինակ: